Për pak Kurban

Dje ishte një ditë e shenjtë për komunitetin Musliman, dita e Kurban Bajramit . Një festë e faljes dhe falenderimit, ku njerzit duke prerë kurban i falin të varfërve, në këtë festë, gjithashtu vizitojnë njëri-tjetrin dhe përgatisin ëmbëlsira dhe ushqime të ndryshme tradicionale.

14:30 - Në shkollën 9 vjeçare Bajram Curri, kishte  një grumbull njerëz të  ulur në tokë(nuk ka stola), disa të tjerë duke u mbështetur në shtylla elektriciteti dhe në mure të shkollës . Që dukej sikur por prisnin diçka, një situatë e tillë ndodh kur pret avionin por të presësh autobusin mund të shkosh në stacionin që ndodhet disa metra pak më larg(përball Ministrisë së Mbrojtjes) ku ka  autobusa më të shpeshta  . Por në fakt, ato s’po prisnin autobusin .

15:30 - Unë po nxitoja për të ikur në Pezë pasi kishte mbërritur Ivan Ramiro Cordoba ish-lojtar i Interit, me grupin e Inter Club Albania të cilët u nisëm në vendin ku do të shihnim një prej legjendave të Interit . Për mua ishte hera e parë që shihja një lojtar të Interit .

18:00 - Rrugës për në shtëpi duke pasur shoqëri shiun, përsëri ajo turma sikur ishte dyfishuar dhe fillimisht u habita dhe ajo hipoteza e autobuzit bie normalisht dhe pyeta disa banorë, më thanë që shpërndaheshin ndihma(mish Qengji) nga Bashkia e Tiranës .

 20:05 – Tashmë kishte filluar kaosi, rreth 200 persona të cilët rrinë dhe presin faljen e kurbanit ku pranë ishte dhe policia bashkiake . Papritur pas saj vjen një fugon I cili futet brenda në ambjentet e shkollës dhe ulerimat e njerëzve filloi të dyfishohej .

20:30- Po fillonte procesi i ndarjes ku njerzit me rradhë, pa rradhë futeshin përpara për të marrë atë qese të vogël me 1 kg mish brenda .  Por për të marr atë qese, e përfitonin vetëm ato që merrnin ndihmë ekonomike dhe duhet të kishe fotokopjuar kartën ID dhe kartës së bankës .

20:45 – një pjesë të banorëve i njihja(kishte nga komunitete romë,egjiptjan dhe maxhorancë) por askush nuk largoheshe nga hekrat, personi i cili ishte angazhuar vetëm disa përsonave I merrte letren e fotokopjuar ndersa të tjerët letrën e palosnin dhe e hidhnin duke kapërcyer hekrat, në mënyrë që të merrnin  kurbanin . 

21:00 – Një pjesë e njerëzve ka marrë ndërsa pjesa tjetër jo pavarsisht se kishte dorëzuar letrën, këtu filloi kaosi i vërtet duke ulëritur personave përgjegjës por ato as po e “rruanin” fare . Duke pritur për orë të tëra aty për një copë mish, përsonat përgjegjës u larguan duke lënë një pjesë pa marrë kurbanin, ai që ka pritur nga ora 14:30 – 21:00 .

Unë e festova Kurban Bajramin në orën 14:00 me familjen por ai që po priste për orë të tëra ka festuar gjë ?