Qendra "Jemi Njësoj" është një qendër , e cila ka në fokus aftësimin e fëmijëve me paaftësi të të folurit dhe të dëgjuarit. Aftësimi i fëmijëve nuk mund të bëhet vetëm brenda hapësirës së kufizuar të qendrës, por ka nevojë për një shtrirje më të gjerë në komunitet.
Për këtë arsye "Jemi Njësoj" organizon aktivitetin 1 TULLUMBACE 1 PËRQAFIM , në datën 22 Prill 2017( e shtunë ), në orën 9:00-12:30, në zonën e Liqenit Artificial. Ky aktivitet synon të rrisë sadopak ndërveprimin midis fëmijëve dhe shoqërisë. Prandaj nëse dhe ti mendon se komunikimi nuk ka nevojë për fjalë, eja dhe tako fëmijët. Do të zbulosh një botë të cilën nuk e njihje më parë. Bëhu dhe ti shembull i rrëzimit të barrierave që bëjnë diferencën. Ju mirëpresim!
