Romët e Gjirokastrës, mungesë të infrastrukturës rrugore dhe ujit

Lagjia “Zinxhiras” në Gjirokastër, zona periferike ku jeton kryesisht komuniteti rom, nuk ka ujë të pijshëm, infrastrukurë rrugore, apo ndriçim publik. Ndonëse jetojnë rreth 600 banorë, janë të privuar edhe nga kushtet minimale të higjenës.
Romët në Gjirokastër të përqëndruar në lagjen periferike të qytetit “Zinxhira”, përballen çdo ditë me mungesën e ujit të pijshëm, ndriçimit rrugor, prezencës së mbetjeve urbane etj.
Pjesëtarë të këtij komuniteti kanë pohuar se uji vjen vetëm gjysëm orë, e kjo në një tubacion të hapur në një gropë nga vetë ata, ku është e pamundur të furnizohen të gjithë dhe uji sipas tyre është shumë i ndotur.
Janë rreth 600 banorë të komunitetit rom që jetojnë në këtë zonë periferike të qytetit të Gjirokastrës.    
kliko ketu per te pare videon

Jo termit "arixhi" në tekstet tona

Aktivistët e komunitetit rom dhe e
gjiptian i drejtohen publikisht me një letër të hapur Ministrisë së Arsimit dhe Sportit, si dhe Agjencisë Kombëtare të Provimeve, lidhur me konstatimin tonë përsa i përket provimit të Gjuhë-Letërsisë, në Maturën Shtetërore më datë 29 maj 2015.
Në një nga pyetjet e provimit në Letërsi dallohet qartë përdorimi i termit “arixhi”, si pjesë e veprës së autorit Gabriel Garcia Marques dhe mbi të gjitha formulimit të pyetjes mbi ardhjen e “arixhinjve” dhe se çfarë mendojnë maturantët për ta bazuar në veprën e Markezit.
Së pari, ju bëjmë me dije se termi ‘arixhi’ përmban një konotacion negativ, është i papërshtatshëm për ta përdorur si term dhe fyen komunitetin rom, duke shfaqur doza diskriminimi dhe përforcimin e stereotipave kundrejt këtij komuniteti.
Së dyti, tashmë njihet botërisht termi rom, gjithashtu në Shqipëri është njohur si minoritet Linguistik, term i cili e identifikon këtë komunitet edhe përmes gjuhës së ligjit shqiptar.
Institucionet kompetente në respekt të të drejtave dhe lirive themelore të njeriut të sanksionuara në legjislacionin e brendshëm dhe atë ndërkombëtar, duhet të siguroheshin dhe të merrnin të gjitha masat kundër përdorimit të termave ofenduese, të cilat shenjëstrojnë një komunitet të caktuar.
Ndaj, aktivistët e komunitetit rom dhe egjiptian u bëjnë thirrje institucioneve të lartpërmendura që të marrin të gjitha masat, duke filluar me korrigjimin/pastrimin e teksteve mësimore që janë pjesë e kurikulave shkollore nga përdorimi i termave të tillë, të cilat mund të ndikojnë në keqinformimin dhe keqedukimin e brezave të rinj lidhur me identitetin, kulturën dhe historinë e një populli të caktuar.
Duke besuar në mirëkuptimin e Ministrisë së Arsimit përsa i përket shqetësimit tonë, kërkojmë prej jush një reagim publik rreth shqetësimit të ngritur në këtë letër.
Jemi në pritje të reagimit tuaj pozitiv.    

Marrë nga gazeta shqiptare - http://balkanweb.com/gazetashqiptare/jo-termit-arixhi-ne-tekstet-tona/